پاکستان سمیت پوری دنیا اچ ذیابیطس بارے شعور اجاگر کرنڑ دا ڈینھ منایا گیا

پاکستان سمیت پوری دنیا اچ ذیابیطس بارے شعور اجاگر کرنڑ دا ڈینھ منایا گیا

اسلام آباد (پاکستان نیوز پوائنٹ 14نومبر2016ء) پاکستان سمیت پوری دنیا اچ ذیابیطس دے حوالے نال شعور اجاگر کرنڑ داڈینھ منایا گیا ہے۔نجی ٹی وی چینل دے مطابق اقوام متحدہ ولوں ذیابیطس (شوگر ) دے حوالے نال اگاہی ڈیونڑ سانگے پاکستان سمیت پوری دنیا اچ ہر سال 14نومبر کوں منایا ویندا ہے ۔پہلی واری اے ڈینھ عالمی ادارہ صحت ولوں 1991کوں منایا گیا ۔ذیا بیطس(شوگر) دے حوالے نال اے ڈینھ پوری دنیا اچ منایا ویندا ہے ۔

پاکستان اچ ذیابیطس (شوگر)توں آگاہی دے حوالے نال سیمینار تے ریلیاں دا انعقاد کیتا ویندا پے ۔ ذیابیطس (شوگر )ایجھا مرض ہے جیرھا جوپاکستان سمیت پوری دنیا اچ روز ودھدا ویندا ہے ۔ڈاکٹراں دا آکھنڑ ہے جو اے مرض انسانی جسم اچ انسولین دی پیداوار اتے فراہمی اچ نقص دی وجہ توں پیدا تھیندا ہے جیں دی بنیادی وجہ مسلسل غیر صحت مند خوراک اتے غیر متوازن طر ز زندگی ہے۔ذیابیطس (شوگر ) دیاں علامات اچ بے حد بھک تے تریہہ لگ ونجنڑ ،ودھ پیشاب آونڑ ، وزن داوزن وختی گھٹ تھیونڑ تے ،خود کوں تھکیا ہویا محسوس کرنڑ ہے ۔ذیابیطس دے مریضاں سانگے ورزش بہوں ضروری ہے ۔