چین دا گوادر دے رستے تجارتی سفر شروع تھی گیا

وزیراعظم محمد نواز شریف دے ملکی ترقی دے وژن تے تکھے کم جاری ہے،رانا محمد افضل

چین دا گوادر دے رستے تجارتی سفر شروع تھی گیا 
وزیراعظم محمد نواز شریف دے ملکی ترقی دے وژن تے تکھے کم جاری ہے،رانا محمد افضل

اسلام آباد (پاکستان نیوز پوائنٹ 14نومبر2016ء) پارلیمانی سیکریٹری خزانہ رانا محمد افضل خان آکھیا ہے جو وزیراعظم محمد نواز شریف دے ملکی ترقی دے وژن تے تکھے کم جار ی ہے ۔ ریڈیو پاکستان نال گالھ مہاڑ کریندے ہوئیں انہاں آکھیا جو پاکستان دے مغربی علاقیں اچ سڑکاں دی تعمیر دا کم جار ی ہے اتے قراقرم وے دے رستے توں چین دے ڈو سو کنٹرینر اں قافلہ گوادر دے رستے خیریت نال روانہ تھی گیا آندے ڈینھ ہک تریجھا وڈا جہاز روانہ تھی ویسی جیرھا جو ایں گالھ دا ثبوت ہے جو چین دا گوادر دے رستے تجارتی سفر شروع تھی گے ایندے نال ملکی ترقی دا سفر وی شروع تھی گیا ہے ۔

رانا افضل آکھیا جو وزیر اعظم محمد نواز شریف اقتدار اچ امدے ہی انہاں دا وژن ہا جو ملک کوں خوشحالی تے ترقی دے پاسے گھن تے ونجنڑاں ہے ۔انہاں آکھیا جو ایں منصوبیں اچ پاک چین اقتصادی راہداری ایجھا منصوبہ ہے جیں تے عالمی برادری حیران تھی گی ہے جو ایں کیویں ممکن تھیسی ۔انہاں آکھیا جو پڑوسی ملک عرصہ دراز توں بجلی دے منصوبے جاری رکھی پیا ہے اتے اج تئیں اپنڑی ضرورت دی بجلی وی پیدا نی کر سگیا ایندے مقابلے اچ پاکستان تے توانائی دے منصوبیں نال بجلی دی پیداوار شروع تھی گئی ہے اتے صنعتاں کوں 24گھنٹے بجلی ڈتی ویندی پئی ہے اتے گھراں دی سطح تے 12گھنٹے دی لوڈشیڈنگ توں گھٹ تھی تے 4گھنٹے رہ گی ہے اتے 2018تئیں اساں توانائی اچ پورے طور تے خود کفیل تھی ویسوں ۔

پارلیمانی سیکر ٹری آکھیا جو پاکستان دا صوبیں سمیت سالانہ بجٹ 6توں 8ارب روپے ہوندا ہے اتے ایں بجٹ نال جیرھی ترقی 6سالاں اچ ممکن ہوندی ہے او چین دی سرمایہ کاری نال ہک سال دے دوران نظر آندی پئی ہے ۔