چیئرمین سینیٹ میاں رضاربانی دا پیپلزپارٹی دے رہنما جہانگیر بدر دے انتقال تے ودھ سارے ڈکھ دا ظہار

مرحوم جہانگیر بدر جمہوری جدوجہد کرنڑ آلے عوامی سیاست دے ماہر اتے قابل قدر سیاستدان ہن،راجہ ظفرالحق

چیئرمین سینیٹ میاں رضاربانی دا پیپلزپارٹی دے رہنما جہانگیر بدر دے انتقال تے ودھ سارے ڈکھ دا ظہار 
مرحوم جہانگیر بدر جمہوری جدوجہد کرنڑ آلے عوامی سیاست دے ماہر اتے قابل قدر سیاستدان ہن،راجہ ظفرالحق

اسلام آباد (پاکستان نیوز پوائنٹ 14نومبر2016ء) چیئرمین سینیٹ میاں رضاربانی پاکستان پیپلزپارٹی دے رہنما جہانگیر بدر دے انتقال تے ودھ سارے ڈکھ تے افسوس دا اظہار کیتا ہے ۔ میاں رضاربانی پیپلزپارٹی دے سابق سیکرٹری جنرل دے ٹبر نال تعزیت دا ظہار کریندے ہوئیں آکھیا جو جمہوریت سانگے جہانگیر بدردیاں خذمتاں بھلاونڑ آلیاں کائنی۔جہانگیر بدردیاں خذمتاں کوں ہمیشہ یاد رکھیا ویسی انہاں آکھیا جو پاکستان پیپلزپارٹی ہک عظیم لیڈر اتے پاکستان ہک بہترین سیاستدان توں محروم تھی گیا ہے ۔

۔سینیٹ دے ڈپٹی چیئرمین مولانا عبدالغفور حیدری ممتاز سیاسی رہنما جہانگیر بدر دی فوتگی تے تعزیت دا اظہار کریندے ہوئیں مرحوم دی جمہوریت سانگے خذمتاں ہمیشہ یاد رکھیا ویسن ۔ سینیٹ اچ قائد ایوان راجہ محمد ظفرالحق سا بق قائد ایوان سینیٹ جہا نگیر بدر دے انتقال تے تعزیت دا اظہار کریندے ہوئیں آکھیا ہے جو مرحوم جہانگیر بدر جمہوری جدوجہد کرنڑ آلے عوامی سیاست دے ماہر تے قابل قدر سیاستدان ہن۔

سینیٹ اچ قائد حزب اختلاف اعتزاز احسن جہانگیر بدر دے انتقال تے اظہار تعزیت کریندے ہوئیں لواحقین نال ہمدردی دا ظہار کیتا ہے انہاں دا آکھنڑ ہے جو ملک اچ جمہوریت سانگے خذمتاں اچ جہانگیر بدر داناں نشابر مقام رکھیندا ہے ۔ اللہ تعالیٰ مرحوم دے درجات دی بلندی اتے لواحقین کوں صبر عطا فرماوے ۔