لاہور(پاکستان نیوز پوائنٹ 11نومبر2016ء) لاہور ہائیکورٹ سابق وفاقی وزیر سمیرا ملک کوں بلدیاتی انتخابات اچ مخصوص نشستاں تے انتخاب لڑنڑ سانگے اہل قرارڈے ڈتا گیا تے انہاں دی نااہلی دی اپیل مسترد کرڈتی۔لاہور ہائیکورٹ دے جسٹس شاہد وحید سمیرا ملک دی نااہلی سانگے دائراپیل سماعت کیتی جیں اچ سمیرا ملک خوشاب ضلع کونسل اچ مخصوص نشست تے کاغذات نامزدگی کوں چیلنج کیتا گیا ہا ۔
اپیل کنندہ ایوب خان اعتراض چاتا جو سپریم کورٹ نقلی ڈگری دی بنیاد تے سمیر ملک کوں نا اہل قرار ڈتا ہا لیکن ایندے با وجود انہاں دے کاغذات نامزدگی سانگے منظور کر گھدے گے ہن ۔سمیرا ملکدے وکیل مبین قاضی اپیل دے قابل سماعت تھیونڑ اچ اعتراضات چاتے اتے ڈسایا جو سپریم کورٹ دے فیصلے دا اطلاق کائنی تھیندا اتے اپیل قابل سماعت کائنی ۔عدالت دائر اپیل تے ابتدائی سنڑیج دے بعد اینکوں ناقابل سماعت قرار ڈے تے مسترد کر ڈتا ۔
