ریلویز ڈویژن دے ترقیاتی منصوبیں سانگے 13ارب 52کروڑ 27لکھ روپے توں ودھ دے فنڈز جاری

اسلام آباد (پاکستان نیوز پوائنٹ 11نومبر2016ء) وزارت منصوبہ بندی تے ترقیات جاری مالی سال دے سرکاری شعبے دے ترقیاتی پروگراماں وچ ریلویز ڈویژن دے ترقیاتی منصوبیں سانگے مجموعی طور تے 13ارب 52کروڑ 27لکھ روپے توں ودھ دے فنڈز جاری کر ڈتے ہن۔ حکومت جاری مالی سال وچ ریلویز ڈویژن دے ترقیاتی پروگراماں سانگے 41ارب روپے دے فنڈز مختص کیتے ہن۔ پلاننگ کمیشن توں جاری کردہ اعدادوشمار دے مطابق حکومت مین لائن دی اپ گریڈیشن سانگے13کروڑ 70لکھ ، پورٹ قاسم سانگے 53کروڑ 46لکھ ، حویلیاں ڈرائی پورٹ سانگے 2کروڑ 80لکھ، ڈرائی پورٹس ٹرمینل تے سہولتاں دی فراہمی سانگے 22کروڑ 48لکھ ، خانپور ، لودھراں ٹریک دی بحالی سانگے 72کروڑ ، 800کوچاں اتے2000ویگناں سانگے 53کروڑ 81لکھ ، 100ڈی ای لوکوموٹوز سانگے 75کروڑ ، ریلویز اسٹیشناں دی اپ گریڈیشن سانگے 10کروڑ ، لودھراں ، خانیوال سیکشن سانگے73کروڑ ، رولنگ سٹاک اتے ٹریک دی بحالی سانگے 73کروڑ ، خانیوال ، سکھر سیکشن دی بحالی سانگے 88کروڑ ، سمیت مختلف ترقیاتی منصوبیں سانگے فنڈز جاری کر ڈتے ہن۔