کراچی (پاکستان نیوز پوائنٹ 11نومبر2016ء) جسٹس (ر) سعید الزماں صدیقی جمعے کوں گورنر سندھ دے عہدے دا حلف چا گھدا ۔ گورنر ہاﺅس کراچی اچ منعقد تھیونڑ آلی سادہ پر وقار تقریب حلف برداری اچ جسٹس(ر) سعید الزماں صدیقی صوبہ سندھ دے 31 ویں گورنر دے طور تے حلف چا گھدا ۔ سندھ ہائی کورٹ دے چیف جسٹس سید سجاد علی شاہ جسٹس (ر) سعید الزماں صدیقی توں گورنر سندھ دے عہدے دا حلف گھدا۔
تقریب دی نظامت دے فرائض چیف سکریٹری سندھ محمد صدیق میمن انجام ڈتے۔ تقریب اچ وزیر اعلی سندھ سید مراد علی شاہ، سپیکر سندھ اسمبلی آغا سراج درانی، سابق گورنر معین الدین حیدر، صوبائی محتسب اسد اشرف ملک، ڈائریکٹر جنرل نیب سراج النعیم، صوبائی وزیراں، سیکریٹریز، مسلح فوج دے نمائندیں سمیت بئے اعلیٰ حکام شرکت کیتی ۔بعد اچ گورنر سندھ جسٹس(ر) سعید الزماں صدیقی نال وزیر اعلی سندھ سید مراد علی شاہ گورنر ہاﺅس ا چ ملاقات کیتی تے گورنر سندھ کوں مبارخ ڈتی ۔گورنر سندھ وزیر اعلی سندھ دا شکریہ ادا کریندے ہوئیں آکھیا ہے جو مسلیں دے حل سانگے گورنر سیکریٹریٹ اتے وزیر اعلی ہاﺅس وچال سانجھی مشاورت جاری رہسی ۔
