وزارت اطلاعات تے نشریات وختی ”جرنلسٹس سکیورٹی اینڈ سیفٹی بل“دا ابتدائی مسودہ تیار کرگھنسی ‘صحافی،

انہاں دیاں نوکریاں دے تحفظ اتے ہیلتھ انشورنس سمیت سارے پہلوواں کوں شامل کیتا ویندا پئے ‘تجویزاں اتے ترمیماں سانگے ڈرافٹ کوں ساریاں صحافتی تنظیماں کوں بھجوایا ویسی،وزیر مملکت اطلاعات تے نشریات اتے قومی ورثہ مریم اورنگزیب دی صحافیاں کوں ڈتے گئے عشائیے وچ گالھ مہاڑ

وزارت اطلاعات تے نشریات وختی ”جرنلسٹس سکیورٹی اینڈ سیفٹی بل“دا ابتدائی مسودہ تیار کرگھنسی ‘صحافی، 
انہاں دیاں نوکریاں دے تحفظ اتے ہیلتھ انشورنس سمیت سارے پہلوواں کوں شامل کیتا ویندا پئے ‘تجویزاں اتے ترمیماں سانگے ڈرافٹ کوں ساریاں صحافتی تنظیماں کوں بھجوایا ویسی،وزیر مملکت اطلاعات تے نشریات اتے قومی ورثہ مریم اورنگزیب دی صحافیاں کوں ڈتے گئے عشائیے وچ گالھ مہاڑ

اسلام آباد (پاکستان نیوز پوائنٹ 11نومبر2016ء) وزیر مملکت اطلاعات تے نشریات اتے قومی ورثہ مریم اورنگزیب آکھیا ہے جو وزارت اطلاعات تے نشریات ”جرنلسٹس سکیورٹی اینڈ سیفٹی بل“داابتدائی مسودہ وختی تیا ر کر گھنسی ‘ ترائے چار ملکاں اتے بین الاقوامی صحافتی تنظیماں دے قنوناں دا موازنہ کر تے ا یہ بل تیار کیتا گئے جیندے وچ صحافیاں، انہاں دیاں نوکریاں دے تحفظ اتے ہیلتھ انشورنس سمیت سارے پہلوواں کوں شامل کیتا گئے ‘ وزارت اطلاعات امپلیمنٹیشن ٹربیونل فار نیوز پیپرز ایمپلائز(آئی ٹی این ای) وچ جج دی تعیناتی سانگے سمری وزیراعظم کوں بھجوا ڈتی ہے، وختی آئی ٹی این ای دے جج دی نامزدگی تھی ویسی ۔

اوہ خمیس دی رات اسلام آباد دے مقامی ہوٹل وچ وزارت اطلاعات تے نشریات دی کوریج کرنڑ آلے بیٹ رپورٹراں دے اعزاز وچ ڈتے گئے عشائیے وچ گالھ مہاڑکر یندیاںپئیاں ہن۔پرنسپل انفارمیشن افیسر (پی آئی او) راﺅ تحسین‘پی آئی ڈی دے بئے افسراں وی ایں موقع تے موجود ہن ۔انہاں آکھیا جو صحافیاں دے تحفظ سانگے اساںہک بل بنڑایا ہے ، ایندے وچ صحافیاں دے تحفظ ‘صحت ‘سکیورٹی سمیت سارے پہلواں کوں سامنڑے رکھیا گئے ‘ ایں بل دا ابتدائی ڈارفٹ وختی تیار کرگھدا ویسی جیندے بعد صحافتی تنظیماں وچ ایہ ڈرافٹ بھجوایا ویسی ایندے بعد ایں توں متعلق ڈتی گیاںتجویزاں‘ترمیماں اتے ایڈوائس دا جائزہ گھن تے انہاں کوں ایں بل دا حصہ بنڑا تے پارلیمنٹ وچ پیش کیتا ویسی ۔

انہاں آکھیا جو جرنلسٹ سکیورٹی اینڈ سیفٹی بل ا لیکٹرانک اتے پرنٹ میڈیا نال جڑیے صحافیاں سانگے ہے ۔انہاں آکھیا صحافیاں دی سکل بیس ٹریننگ کراونڑ دا فیصلہ کیتا گئے۔اساڈی کوشش ہے جو باہرلے ملکاں دے ٹرینرز دی خدمات حاصل کر تے برٹش کونسل اتے نیشنل یونیورسٹی آف ماڈرن لینگوئجز(نمل) کو ں وی نال رلا تے تربیتی پروگرام ترتیب ڈتے ونجن۔ انہاں آکھیا جو اساڈی ترجیح اے وی ہے جو اسلام آباد سمیت سارے وڈے شہراں ‘ریجنل اتے ضلعیں دی سطح تے قائم پریس کلبزکوں فعال کیتا ونجے تاں جو پریس کلبز دی سطح تے پاک چین اقتصادری راہداری(سی پیک) سمیت بئے حکومتی چنگے اقدامات کوں چنگے انداز وچ پوری قوم تئیں پجایا ونج سگے ۔