پاکستانی عوام دا سعودی عرب دے نال عقیدت تے احترام دا رشتہ ہے،ڈوہیںملکاں وچال مذہبی، ثقافتی اتے تجارتی تعلقات صدیاں تے محیط ہن،سٹریٹجک معاملے اچ سعودی عرب ہمیشہ نہ صرف پاکستان دی مدد کیتی بلکہ بحران دے ڈینھاںوچ وڈے دل نال اقتصادی اتے مالی تعاون وی کیتا،وزیر مملکت اطلاعات تے نشریات اتے قومی ورثہ مریم اورنگزیب دی سعودی عرب دے سفیر عبداللہ مرزوق الزھرانی نال ملاقات وچ گالھ مہاڑ

پاکستانی عوام دا سعودی عرب دے نال عقیدت تے احترام دا رشتہ ہے،ڈوہیںملکاں وچال مذہبی، ثقافتی اتے تجارتی تعلقات صدیاں تے محیط ہن،سٹریٹجک معاملے اچ سعودی عرب ہمیشہ نہ صرف پاکستان دی مدد کیتی بلکہ بحران دے ڈینھاںوچ وڈے دل نال اقتصادی اتے مالی تعاون وی کیتا،وزیر مملکت اطلاعات تے نشریات اتے قومی ورثہ مریم اورنگزیب دی سعودی عرب دے سفیر عبداللہ مرزوق الزھرانی نال ملاقات وچ گالھ مہاڑ

ہوبارٹ (پاکستان نیوز پوائنٹ 11نومبر2016ء) وزیر مملکت اطلاعات تے نشریات اتے قومی ورثہ مریم اورنگزیب آکھیا ہے جو پاکستانی عوام دا سعودی عرب دے نال عقیدت اتے احترام دا رشتہ ہے اتے ڈوہاہیں ملکاں دی عوام وچال مذہبی، ثقافتی اتے تجارتی تعلقات صدیاں تے محیط ہن۔ انہاں خمیس رات انہاں خیالیں دا اظہار سعودی عرب دے سفیر عبداللہ مرزوق الزھرانی نال ملاقات دے دوران کیتا۔

وزیر مملکت مریم اورنگزیب آکھیا جو پاکستان سعودی عرب کوں اپنڑاں سٹریٹجک پارٹنر سمجھدا ہے کیونجو ایں نے سٹریٹجک معاملیاں وچ ہمیشہ نہ صرف پاکستان دی مدد کیتی ہے بلکہ بحران دے ڈینھاں وچ وڈے دل نال پاکستان دی اقتصادی اتے مالی مدد کیتی ہے۔ انہاں آکھیا جو پاکستان وچ فیصل مسجد اتے انٹرنیشنل اسلامی یونیورسٹی ڈوہاہیںملکاں وچال مثالی تعلقات دی شاندار مثالاں ہن ۔

سعودی عرب دے سفیر عبداللہ مرزوق الزھرانی بال ملاقات دے دوران ڈوہاہیںملکاں وچال میڈیا، اطلاعات دے شعبیں دے علاوہ سانجھی دلچسپی دے امور تے گالھ مہاڑ کیتی۔ وزیر مملکت اتے سعودی سفیر ایں موقع تے ڈوہیں ملکاں دے تجربیں توںنال فائدے چاونڑ تے اتفاق کیتا۔ سعودی عرب دے سفیر وزیر مملکت کوں آپس دی دلچسپی دے امور وچ چنگے تعاون دا یقین ڈوایا ۔ وزیر مملکت اطلاعات تے نشریات اتے قومی ورثہ مریم اورنگزیب اتے سعودی عرب دے سفیر عبداللہ مرزوق الزھرانی ڈوہاہیں ملکاں دی عوام دی بھلائی سانگے آپس دے تعلقات کو ں مستحکم کرنڑ تے اتفاق کیتا۔