جنوری توںستمبر بینکاری دی صنعت دے غیر فعال قرضے دے حجم وچ 25 ارب روپے دا ودھارا تھیا ا ، سٹیٹ بینک

جنوری توںستمبر بینکاری دی صنعت دے غیر فعال قرضے دے حجم وچ 25 ارب روپے دا ودھارا تھیا ا ، سٹیٹ بینک

اسلام آباد (پاکستان نیوز پوائنٹ 10نومبر2016ء) اجوکے سال 2016ءدے پہلے نومہینے ، جنوری توں ستمبر دے دوران بینکاری دی صنعت دے غیر فعال قرضیاں دے حجم وچ 25 ارب روپے توں ودھ دا ودھارا تھئے ۔ سٹیٹ بینک آف پاکستان دی جاری کردہ رپورٹ دے مطابق 31 دسمبر 2015ءتئیں بینکاں اتے مالیاتی اداریاں دے غیر فعال قرضہ جات دا حجم 620.448 ارب روپے ہا جیرھا جو 30 ستمبر 2016ءتئیں 646.230 ارب روپے تئیں ودھ گئے ایں طرح جاری کلینڈر سال دے پہلے نو مہینے دے دوران بینکاں اتے مالیاتی اداریاں دے غیر فعال قرضیاں وچ 25.782 ارب روپے ودھارا تھئے۔

رپورٹ دے مطابق سال 2016ءدے دوران پبلک سیکٹر بینکاں ‘ سپیشلائزڈ بینکاں اتے مقامی نجی بینکاں دے غیر فعال قرضیاں وچ ودھارا جڈانجو غیر ملکی بینکاں دے غیر فعال قرضہ جات وچ گھٹکی ریکارڈ کیتی گئی ہے اتے جنوری توں ستمبر 2016ءدے دوران سپیشلائزڈ بینکاں دے غیر فعال قرضیاں وچ 9.383 ارب روپے ‘ پبلک سیکٹر بینکاں دے غیر فعال قرضہ جات وچ 14.943 ارب روپے اتے لوکل پرائیویٹ بینکاں دے قرضیاں وچ 1.72 ارب روپے ودھاراتھئے جڈانجو غیر ملکی بینکاں دے غیر فعال قرضیاں دے حجم وچ 165 ملین روپے دی گھٹکی ریکارڈ کیتی گئی ہے۔

بینکاری دے شعبے دے ماہرین آکھیا ہے جو بینکاں اتے مالیاتی اداریاں دے غیر فعال قرضیاں دی شرح وچ ودھارا چنگی علامت کائنی اتے حکومت کو ںچاہیدے جوایں حوالے نال جامع حکمت عملی دے تحت اقدامات کرے۔