حکیم الامت ڈاکٹرعلامہ محمد اقبال دے139 وےں یوم ولادت دے سلسلے وچ مزار اقبالؒ تے تقریب ، پاک نیوی اعزازی گارڈ دے فرائض سانبھ گھدے، سلامی پیش کیتی

حکیم الامت ڈاکٹرعلامہ محمد اقبال دے139 وےں یوم ولادت دے سلسلے وچ مزار اقبالؒ تے تقریب ، پاک نیوی اعزازی گارڈ دے فرائض سانبھ گھدے، سلامی پیش کیتی

لاہور(پاکستان نیوز پوائنٹ 9نومبر2016ء) شاعر مشرق حکیم الامت ڈاکٹرعلامہ محمد اقبال دے 139ویں یوم ولادت دے سلسلے وچ بدھ کوں مزار اقبالؒتے گارڈاں دی تبدےلی دی پر وقار تقریب منعقد تھئی،ایں موقع تے پاکستان نیوی دے چاق وچوبند دستے پاکستان رینجرز پنجاب توںعزازی گارڈ دے فرائض سانبھے اتے سلامی پیش کیتی ،پاک بحریہ اتے پاکستان رینجرز دے دستے مزار اقبالؒ دے باہر اپنڑیاں ا پوزیشناں سانبھ گھدیاں،ا سٹیشن کمانڈر نیوی لاہورکموڈور ساجد محمود شہزاد پاکستان نیوی دے دستے اتے اعزازی گارڈ دے فرائض سر انجام ڈیونڑ آلے پاک رینجرز دے دستیاں دا معائنہ کیتا اتے سلامی گھدی۔

بینڈ دی دھن تے مخصوص انداز وچ چلدے پاکستان نیوی دے دستے مزار اقبالؒ دے چارے چنڈاچ اپنڑیاں پوزیشناںسانبھیاںجڈانجو پاک رینجرز دا دستہ روایتی انداز وچ مزار توں رخصت تھیا۔اعزازی گارڈ دی تبدیلی دے بعد اسٹیشن کمانڈرنیوی لاہور چیف آف دی نیول اسٹاف، پاکستان نیوی دے افسراں اتے سی پی اوز،سیلرز اتے سویلینز ولوں مزار اقبالؒ تے پھلاں دی چادر چڑھائی۔

بعد اچ سٹیشن کمانڈر نیوی لاہور مزار اقبالؒ تے فاتحہ پڑھی اتے مہماناں دی کتاب تے اپنڑے تاثرات قلمبند کیتے۔ایںموقع تے مےڈےا نال گالھ مہاڑ کریندے ہوئیں اسٹیشن کمانڈر نیوی کموڈور ساجد محمود شہزاد آکھیا جو وطن عزےز دے نوجوان علامہ محمد اقبالؒ دیاںتعلےمات اتے پےغامات تے پوری طرح عمل کیتا ونجے تاں کامےابی ای کامےابی ہے،انہاں آکھیا جو اساکوں علامہ محمد اقبال ؒاتے قائد اعظم محمد علی جناحؒ دے فرمودات،تعلےمات اتے پےغامات دے مطابق کم کرنڑ دی ضرورت ہے۔مزار اقبالؒ تے منعقدہ تقریب وچ اعلیٰ عسکری تے سول عہدیداراں، سکول دے بالاںتے شہریاں دی ودھ ساری تعداد شرکت کیتی۔