لاہور(پاکستان نیوز پوائنٹ 9نومبر2016ء) حکومت ولوں پورے صوبے وچ دہشت گردی کوں مکاونڑ اتے قنون شکن لوکاں دے خلاف تکھے اقد امات عمل وچ لاتے گئے ہن، وفاقی سطح تے نیشنل انٹرنل سکیورٹی پا لیسی دی تشکیل دے بعد، حکومتی عمل داری کوں قائم کرنڑ اتے عوام کوں اندر دے خطرے توں بچاونڑ سانگے جامع پالیسی بنڑائی گی ہے اتے قنون نافذکرنڑ آلے اداریا ں دی چنگی اتے انہاں دے استعداد کار وچ ودھار ے سانگے چنگے اقدامات کیتے ہن ۔
انہاں خیالیں دا اظہاروزیر کو آپریٹو ملک محمد اقبال چنڑ مسلم لیگی کارکنان نال خطاب کریندے ہوئیں کیتا۔انہاں آکھیا جو حکومت پنجاب نیشنل ایکشن پلان کو ںچنگی طرح لاگو کرنڑ سانگے سارے وسائل استعمال کریندی پئی ہے۔ پنجاب وچ نیشنل ایکشن پلان دی کامیابی دی وجہ نال انٹر نل سکیورٹی کوں چنگا بناونڑ سانگے اعلیٰ سطحی سیا سی اتحاد قائم تھیا ہے۔
انہاں آکھیا جو نیشنل ایکشن پلان کوں لاگو کرنڑ دے بعد حکومت پنجاب دیاں کاوشاں وچ ترقی تھئی ہے، پورے ملک وچ پنجاب کوں ا یہ اعزاز حاصل تھئے جو کاﺅنٹر ٹیر ارزم فورس دا قیام عمل وچ لاتا گیا، انتہا پسندی اتے دہشت گردی دے خلاف چاتے گئے اقدامات دے نتیجے وچ سینکڑاں مقدمے درج کیتے گئے ہن، پنجاب ساﺅنڈ سسٹم ریگولیشن آرڈیننس دے تحت ہزاراں مقدمات درج،ملزم گرفتار اتے چالان عدالت وچ پیش کیتے گئے ہن،پنجاب مینٹیننس آف پبلک آرڈر آرڈیننس دے تحت پورے صوبے وچ سینکڑاںمقدمے د رج کر تے لوکاں کوںگرفتار کیتاگیا۔
انہاں آکھیا جوکرایہ داری آرڈیننس، وال چاکنگ،پنجاب آرمز آرڈیننس،نفرت انگیز مواد دی اشاعت اتے ریکارڈنگ، مالی معاونت اتے سہولت کار اں دے خلاف سخت اقدامات عمل وچ لاتے گئے ہن۔
