اسلام آباد (پاکستان نیوز پوائنٹ 9نومبر2016ء) وزیر مملکت قومی صحت سائرہ افضل تارڑ آکھیا ہے جو میڈیکل کالجاں اچ داخلے سانگے میرٹ دیاں خلاف ورزیاں کرنڑ تے سخت کاروائی کیتی ویسی ۔بدھ کوں اتھوں جاری بیان دے مطابق انہاں آکھیا جو میڈیکل کالجاں اچ داخلہ پالیسی تے سختی نال عمل کیتا ونجے ایں سلسلے اچ کہیں وی صورت حال اچ سمجھوتہ کائناں کیتا ویسی ۔
انہاں آکھیا جو اگر کوئی میڈیکل کالجاں اچ داخلے سانگے میرٹ دی خلاف ورزی کریندے ہوئیں پاتا گیا تاں ایندے خلاف سخت کاروائی کیتی ویسی۔ایں سلسلے اچ پالیسی دے تحت سارے میڈیکل کالجاں اچ مانیٹرنگ کیتی ویسی ۔انہاں آکھیا جو نجی میڈیکل کالجاں اچ دوران داخلہ سانگے متعلقہ ہدایات تے قواعد کوں یقینی بنڑایا ونجے ۔سارے نجی میڈیکل کالجز دی میرٹ لسٹ دی پابندی کرے ۔
کہیں وی گھٹ نمبر آلے کوں آﺅٹ آف ٹرن داخلہ نہ ڈتا ونجے ۔سارے نجی میڈیکل کالجز اچ ہکو جہی داخلہ فیس مقرر ہے ایندے علاوہ داخلے دی مد اچ کوئی ودھ رقم کائناں گھدی ویسی ۔فیس دی ادائیگی صرف نجی میڈیکل کالجز دے آن لائن اکاﺅنٹس اچ تھیسی ۔ادارے دی ویب سائٹ تے اوپن میرٹ لسٹ دی اشاعت لازمی ہے اتے داخلے سانگے یو ایچ ایس دے اہمتام نال انٹرنس ٹیسٹ دا طریقہ کار لوگو ہے ۔
انہاں آکھیا جو داخلیں دے حوالے نال پی ایم ڈی سی توں ہک خصوصی شکایت سیل قائم کیتا گیا ہے ۔وزیر قومی صحت ڈسایا جو اج ایں سلسلے اچ سیکر ٹر ی قومی صحت محمد ایوب شیخ دی سربراہی اچ ریجنل ایڈمشن کمیٹی دا اجلاس تھیا ہے جیں اچ کمیٹی دے ممبراں شرکت کیتی ہے ۔واضح رہے جو ایں پالیسی دے تحت اوہے طالب علم رجسٹر کیتے ویسن جیرھے جو مطلوبہ تعداد اچ پورے لہندے ہن ۔
ایں سلسلے اچ ایف ایس سی پری میڈیکل گھٹ توں گھٹ 60فیصد نمبر ہوونڑ لازمی ہن ۔میرٹ فارمولا دے تحت میٹرک دے 10فیصد ،ایف ایس سی دے 40فیصد اتے انٹری ٹیسٹ دے 50فیصد نمبر شمار کیتے ویسن ۔جڈاں جو باہرلے ملک دے MCAT اتے SAT اچ 50 فےصد نمبر شمار کیتے ویسن ۔ کامےاب طالب علماں کوں ست ڈینھ دے اندر اندر فیس جمع کراونڑیں ہوسی ۔باہرلے ملک طالب علم دیاں جیرھیاں او سیٹاں پر نہ کیتیاں ونج سگسن او مقامی طالباں کوں اوپن میرٹ تے ڈتی ویسی ۔ہر کالج اپنڑی فیس تے بنک اکاﺅنٹ نمبر ویب سائٹ تے لا ڈیسی ۔مقامی طالب علماں سانگے سالانہ فیس 6لکھ 42ہزار روپے ہوسی اتے باہرلے ملک دے طالباں سانگے 18ہزار یو ایس ڈالر سالانہ مقرر کیتے گے ہن ۔
