رحیم یار خان(پاکستان نیوز پوائنٹ 9نومبر2016ء) ڈاکٹر محمد علامہ اقبال مفکر پاکستان ہی کائناں ہن بلکہ مفکر اسلام وی ہن،انہاں دے احسان مند صرف مسلمان بر صغیر ہی کائنی بلکہ ملت اسلامیہ اجتماعی طور تے انہاں دے افکار نمو توں حاصل کریندی پئی ہے او خوش نصیب ہن جیرھے جو فکر اقبال نال اپنڑے آپ کوں جوڑی رکھدے ہن اتے انہاں دے فکر کوں تازہ کریندے ہن ۔
فکر اقبال روگردانی دا مطلب جہالت ذلت دی دلدل اچ ڈہنڑ دے مترادف ہے ،النور کالجز دی انتظامیہ بطور خاص پروفیسر حفیظ الرحمن قاضی مبارخ باد دے مستحق ہن ،جنہاں اپنڑے ادارے اچ اقبال دے جمنڑے دے ڈینھ منیندے ہوئیں ایں فکر نشست دا انعقاد کیتا ۔انہاں خیالاں دا اظہار ممتاز ماہر تعلیم اتے عظیم مذہبی سکالرز پروفیسر رشید احمد انگوی النور کالجز رحیم یار خان اچ یوم اقبال دے حوالے نال سیمینار اچ طالب علماں نال خطاب کریندے ہوئیں کیتا ۔
ایں موقع تے پروفیسر حفیظ الرحمن قاضی آکھیا جو علامہ اقبال محض مسلماناں بر صغیر کوں خواب غفلت توں نی جگایا بلکہ منزل دارستہ وی سمجھایا ہے ۔انہاں فلسفہ خودی پیش کر تے اساکوں وسریا ہویا سبق یاد کرایا ہے اے اوہو آفاقی سنھیا ہا جیرھا جو اللہ سئیں دا سنھیا ہے اتے ہک لکھ تے 24ہزار انبیاءکرام دی تعلیمات دا نچوڑ وی ہے ۔
