شمالی وزیرستان دے بے گھر لوکاں دی واپسی دا تریجھامرحلہ جاری، 54ہزار خاندان اپنڑے آبائی علاقیاںوچ واپس پج گئے

شمالی وزیرستان دے بے گھر لوکاں دی واپسی دا تریجھامرحلہ جاری، 54ہزار خاندان اپنڑے آبائی علاقیاںوچ واپس پج گئے

اسلام آباد (پاکستان نیوز پوائنٹ 8نومبر2016ء) آپریشن ضرب عضب دی وجہ نال متاثر تھیونڑ آلے شمالی وزیرستان دے بے گھر لوکاں دی واپسی دا تریجھامرحلہ جاری ہے ہنڑ تئیں 54ہزار خاندان واپس اپنڑے آبائی علاقیاں وچ پج گئے ہن۔ واپس ونجنڑ آلے بے گھر لوکاں کوں 25 ہزار بذریعہ زونگ موبائل سم مالی امداد ڈتی ویندی پئی ہے جڈانجو 10 ہزار روپے کرائے دی مد وچ ڈتے ویندے پن۔

فاٹا حکام دے مطابق فاٹا وچ آپریشن ضرب عضب نال متاثر تھیونرآلے شمالی وزیرستان دے بے گھر لوکاں دی واپسی داتریجھامرحلہ تکھے جاری ہے ۔ ہنڑ تئیں54معزز خاندان واپس اپنڑے آبائی علاقیاں وچ پج گئے ہن ۔ حکام دے مطابق پہلے ڈومرحلیاں وچ 50 ہزار خاندان واپس گئے ہن جڈانجو تریجھے مرحلے دے آغاز دے بعد چار ہزار خاندان واپس اپنڑے آبائی علاقیاںوچ پج گئے ۔بے گھر لوکاں دی واپسی دے موقع تے انہاں کوں 25ہزار روپے بذریعہ زونگ موبائل سم مالی امداد جڈانجو 10 ہزار روپے کرائے دی مد وچ ادا کیتے ویندے پن۔ حکام دے مطابق بے گھر لوکاںکوںواپسی دے موقع تے چھی مہینے سانگے مفت خوراک ، گرم کمبل اتے خیمے فراہم کیتے ویندے پن۔