انڈس ہائی وے تے بس دی ٹکر نال 3 موٹر سائیکل سوار نوجوان جاں بحق

انڈس ہائی وے تے بس دی ٹکر نال 3 موٹر سائیکل سوار نوجوان جاں بحق

کرک(پاکستان نیوز پوائنٹ 8نومبر2016ء) کرک وچ انڈس ہائی وے تے کراچی ونجڑ آلی بس موٹر سائیکل کوں ٹکر مار ڈتی جیندے نتیجے وچ 3 موٹر سائیکل سوار نوجوان جاں بحق تھی گئے ، پولیس ضلع ناظم اتے علاقے دی عوام دی اطلاع تے بس کوں تحویل وچ گھن تے ڈرائیور کوں گرفتار کر گھدے۔ وقوعہ دے مطابق نشپہ آئل فیلڈ دے نیڑے کراچی ونجنڑ آلی تکھی رفتار بس انڈس ہائی وے تے ہک موٹر سائیکل کوں ٹکر مار ڈتی جیندے نتیجے وچ ترائے نوجوان قسمت اللہ ولد گل شہید ، محمد نعیم ولد اعظم خان اتے محمد عابد ولد عرفان اللہ ساکن علاقہ ڈب چونترہ کرک موقع تے جاں بحق تھی گئے ۔

ڈسٹرکٹ ہیڈ کواٹر ہسپتال کرک وچ پوسٹ مارٹم دے بعد لاشاں کوں وارثاں دے حوالے کرڈتاگئے۔ واقعے دے بعد فرار تھیونڑ آلے ڈرائیور کوں ضلع ناظم اتے علاقے دی عوام دی اطلاع تے پولیس وختی کارروائی کر تے ڈرائیور کوں گرفتار کر تے بس کوں تحویل وچ گھن گھدے۔