اسلام آباد (پاکستان نیوز پوائنٹ 8نومبر2016ء) پاکستان ریلوے اتے پاکستان ٹورازم ڈویولپمنٹ کاپوریشن ( پی ٹی ڈی سی) 25دسمبر 2016 کوں راولپنڈی توں کراچی سانگے سیاحتی ٹرین چلاونڑ دا فیصلہ کیتا ہے ' ٹرین دا نا ں "سدا سلامت پاکستان"تجویز کیتاگیا ہے ۔گذریل ڈینھ وفاقی وزیر ریلوے خواجہ سعد رفیق نال ایم ٹی پی ٹی ڈی سی چوہدری عبدالغفور ملاقات کیتی ۔
ایم ڈی پی ٹی ڈی سی چوہدری غفورآکھیا جو ڈوہیں اداریں وچال سانجھے تعاون دے ودھ سارے موقع موجود ہن کیوں جو سیاحت اتے ماس ٹرانزٹ دا آپس اچ بہوں گھاٹا تعلق ہے ۔پاکستان اچ ریلوے کوں سفر دا ہک محفوظ ،گھٹ خرچ اتے قابل اعتبار ذریعہ سمجھیا ویندا ہے ۔ایں ضمن اچ ڈوہیں محکمے وچال تعاون ودھ سارا ضروری ہے تاں جو ڈوہیں ادارے ملک اچ سیاحت دیاں سہولتاں چنگیاں بنڑاونڑ اچ کردار ادا کر سگن ۔
انہاں آکھیا جو موجود ہ حکومت ملک اچ عوام دی چنگائی اتے سیاحت دی ترقی سانگے ہک روشن پاکستان دا تصور ڈیونڑ سانگے کوشاں ہے خواجہ سعد رفیق اتے چوہدری عبدالغفورسانجھی رضامندی نال فیصلہ کیتا ہے جو 25دسمبر 2016 کو ںآزادی ٹرین دی طرز تے راولپنڈی توں کراچی سانگے سیاحتی ٹرین چلائی ویسی جیں دا ناں "سدا سلامت پاکستان"تجویز کیتا گیا ہے
