اسلام آباد (پاکستان نیوز پوائنٹ 8نومبر2016ء) بینک اسلامی پاکستان لمیٹڈ اتے رقم منتقل کرنڑ آلی دنیا دی تریجھی وڈی کمپنی ریاقنی ٹرانسفر رقماں دی منتقلی دے معاہدے تے دستخط کرڈتے ہن جیں دے تحت بینک اسلامی ملک دے 93شہراں اچ 317برانچاں دے ذریعے رقماں دی منتقلی دیاں سہولتاں ڈیسی ۔بینک اسلامی دے سی ای او حسن دے بلگرامی آکھیا ہے جو معاہدے نال دنیا توں صارفین بینک اسلامی دے ذریعے پاکستان رقماں منتقل سگسن ۔
انہاں آکھیا جو پوری دنیا اچ کہیں وی ملک توں ٹرانسفر کیتی ونجنڑ آلی رقم بینک اسلامی دی کہیں وی برانچ توں کجھ منٹ دے اندر وصول کیتی ونج سگدی ہے جیںنال صارفین کوں سہولتاں حاصل تھیسن او وختی رقم گھن سگسن ۔انہاں آکھیا جو رقم دی منتقلی سانگے بینک اسلامی دا اکائونٹ ہولڈر ہوونڑ ضروری کائنی اتے بینک دے اکائونٹ ہولڈر وی ایندے توں فائدہ چا سگسن ۔