اسلام آباد (پاکستان نیوز پوائنٹ 8نومبر2016ء) پاکستان سمیت پوری دنیا وچ ریڈیولوجی'علم تابکاری' دا عالمی ڈینھ منایا گیا۔ ہک نجی ٹی وی چینل دے مطابق طب دی دنیا وچ انقلاب برپا کرنڑ آلی اہم ترین دریافت 'ایکسرے' کو ںمنظرِ عام تے آئے120 سال تھی گئے ہن۔ ایں ڈینھ کوں مناونڑ دا مقصد ایکسرے دے موجد کو ںخراج تحسین پیش کرنڑ ہے۔'ایکسرے' دے موجد جرمن نژاد ولہیم کانراڈ نامی فزیسٹ 8نومبر 1895ء کوں ایہ شعاواںدریافت کیتیاں ہن ، جیندے بعد ریڈیولوجی دا ہک پورا شعبہ وجود وچ آگئے اتے اج دنیا دے ہر خطے وچ لوکاں کوں ایندے توں مستفید تھیندے پن ، پوری دنیا دے ریڈیو گرافر ہر سال8 نومبر کوں ریڈیالوجی دا عالمی ڈینھ منیندے ہن۔
ریڈیولوجی کوں آجکل دے دور وچ ودھ ساریاں بیماریاں دی تشخیص سانگے ہک وڈااہم اتے چنگاذریعہ منیا وینداہے۔ واضح رہوے جو ایں شعبے وچ بئی تحقیق دا عمل جاری ہے اتے انسان اپنڑی ضرورت دے مطابق طب دے سلسلے وچ نویاں توں نویاں ایجادات کیتیاں ویندیاں پئیان ہن ۔
