اسلام آباد (پاکستان نیوز پوائنٹ 7نومبر2016ء) خاتون اول پاکستان بیگم محمودہ ممنون حسین آکھیا جو بالڑیاں کوں قومی دھارے اچ رلاونڑ اتے ملک دی ترقی اچ کردار نبھاونڑ سانگے بالڑیاں دی تعلیم تے خصوصی توجہ ڈیونڑ دی لوڑھ اے، جڈاں تئیں تریمتیں کوں زندگی دے مختلف شعبیاں اچ افرادی قوت دا حصہ کائنا بنڑایا ویسی اتے ہکو جیہے موقع کائنا ڈتے ویسن ملک ترقی دی رستے تے نی ٹر سگدا۔
اے گالھیں انہاں سوموار کوں پاکستان ریڈ کریسنٹ دے زیراہتمام انٹرنیشنل گرل چائلڈ ڈے دے موضوع تے ایوان صدر اچ تھیونڑ آلی تقریب نال خطاب کریندیں ہوئیں آکھی۔ایں موقع تے چیئرمین پاکستان ریڈ کریسنٹ ڈاکٹر سعید الٰہی وی موجود ہن ۔انہاں آکھیا جو اسلامی تہذیب اچ ہک بہترین معاشرے دی تشکیل اچ تریمتیں دی بنیاد دی حیثیت رکھیندن ،ایہو وجہ اے جو معاشرے اچ بالڑیاں دی اہمیت تے زور ڈتا گئے ۔ایں موقع تے بیگم محمودہ ممنون حسین خصوصی تریمتیں کوں وہیل چیئرز وی ڈتی اتے ایں گالھ تے زور ڈتا جو او لا ایجھے مستحق بندیاں دی خدمات جاری رکھیسن۔
