لاہور ہائیکورٹ ' وزیر اعلیٰ پنجاب دی نااہلی دی درخواست ناقابل سماعت قرار ڈے ڈتی

لاہور ہائیکورٹ ' وزیر اعلیٰ پنجاب دی نااہلی دی درخواست ناقابل سماعت قرار ڈے ڈتی

لاہور(پاکستان نیوز پوائنٹ 7نومبر2016ء) لاہور ہائیکورٹ ' وزیر اعلیٰ پنجاب دی نااہلی دی درخواست ناقابل سماعت قرار ڈیندیں ہوئیں مسترد کر ڈتی۔لاہور ہائیکورٹ دے چیف جسٹس سید منصور علی شاہ کیس دی سماعت کیتی۔درخواست گزار مظہر عباس عدالت کوں ڈسایا جو وزیر اعلیٰ پنجاب صوبے اچ امن و امان قائم کرنڑ اچ بری طرح ناکام ثابت تھین۔صوبے اچ بد انتظامی پارو ں جرائم اتے امن و امان دے ودھدے ہوئے مسئلے ودھنڑ دے واقعیاں اچ ودھارا تھیے ایں سانگے گڈ گورننس قائم کرنڑ اچ ناکامی تے وزیر اعلیٰ پنجاب کوں نا اہل قرار ڈیوے جئیں تے عدالت درخواست ناقابل سماعت قرار ڈیندیں ہوئیں مسترد کر ڈتی۔عدالت درخواست گزار کوں الیکشن کمیشن نال رابطہ کرنڑ دی ہدایت کر ڈتی۔