وزیراعظم نواز شریف توںعوامی عدالت وچوں ہارنڑ آلے ہنڑ عدالت عظمٰی وچ آگئے ہن،

ایہ جنگ پاکستان دی ترقی استحکام دی جنگ ہے اساں ثبوتاںاتے سچائی دی بنیاد تے جت ویسوں،طلال چودھری

وزیراعظم نواز شریف توںعوامی عدالت وچوں ہارنڑ آلے ہنڑ عدالت عظمٰی وچ آگئے ہن،
ایہ جنگ پاکستان دی ترقی استحکام دی جنگ ہے اساں ثبوتاںاتے سچائی دی بنیاد تے جت ویسوں،طلال چودھری

اسلام آباد (پاکستان نیوز پوائنٹ 7نومبر2016ء) مسلم لیگ (ن) دے رہنما اتے رکن قومی اسمبلی طلال چودھری آکھیاہے جو نواز شریف توں عوامی عدالت وچوں ہارنڑ آلے ہنڑ عدالت عظمٰی وچ آگئے ہن،ایہ جنگ پاکستان دی ترقی استحکام دی جنگ ہے اساں ثبوتاں اتے سچائی دی بنیاد تے جیتسوں۔ سپریم کورٹ دے باہر میڈیا نال گالھ مہاڑ کریندے ہوئیں انھاں آکھیا جومخالف وزیر اعظم محمد نواز شریف دا احتساب نئیں بلکہ انتقام چاہندے ہن اتے نوازشریف توں ودھ انہاں دے بالاں دے سیاسی شعور توں خائف ہن۔

انھاں آکھیا جو عمران خان ولوں ایں توں پہلے دھاندلی دا الزام لاتا گیا جیندے وچ انہاں کوں ناکامی تھئی،عوامی عدالت وچ مقابلہ نہ کر سگن آلے الزاماں دی سیاست کریندے پن۔ جیرھے نوازشریف توںخائف ہن،شکست خوردہ عناصر ایجھی گالھ کریندے ہن جیندا حقیقت نال کوئی تعلق کائنی ہے ۔انہاں آکھیاجو عمران خان وزیر اعظم تے آف شو ر کمپنیاں دے الزام لیندے پن جدانجو عمران خان دی اپنڑی آف شور کمپنیاںہن۔ طلال چوہدری آکھیا جو اساڈے خلاف ہر ڈینھ موقف بدلنڑ آلے کوڑ ے الزام لیندے پن ، وزیراعظم محمد نواز شریف پہلے وی کامیاب تھئے اتے ہنڑ وی کامیابی نال ہمکنار تھیسن۔