اسلام آباد (پاکستان نیوز پوائنٹ 7نومبر2016ء) سپیکر قومی اسمبلی سردار ایازصادق 9رکنی پارلیمانی وفد دے کٹھے ترائے ڈینھ دے دورے تے بحرین ٹر گئے ہن۔ قومی اسمبلی سیکرٹریٹ دے مطابق سپیکر ایہ دورہ اپنڑے بحرینی ہم منصب دی دعوت تے کریندے پن ۔ وفد وچ سپیکر قومی اسمبلی دے علاوہ ارکان قومی اسمبلی وچ محمد رشید ، سلطان محمودہنجرہ ، شہناز اسلم، سلیم ملک، ڈاکٹر شازیہ ثوبیہ ، فقیر شیر محمد بلالانی، محمد مزمل قریشی ، عائشہ سیدہ اتے محمد اعجازالحق شامل ہن۔
قیام دے دوران سپیکر قومی اسمبلی اپنڑے بحرینی ہم منصب دے علاوہ بحرین دی سیاسی قیادت اتے تاجر برادری نال ملاقاتاں کریسن۔ جنہاں وچ باہمی دلچسپی دے امور اتے ڈوطرفہ تجارت دے امور تے خیالیں دا تبادلہ کیتاویسی۔ ایندے علاوہ ڈوہائیں ملکاںوچال ڈوطرفہ تجارت ، تعلیم ، ثقافت اتے سرمایہ کاری دے علاوہ ڈوطرفہ تعاون اتے پارلیمانی رابطیاں دے فروغ دے حوالے نال وی امور زیر غور لاتے ویسن ۔
