سينيٽ ۾ نيشنل بئنڪ آف پاڪستان کان قرض معاف ڪرائڻ جي حوالي سان سوال جو غلط جواب ڏنو ويو آهي ان سان ايوان ۽ ان جي ميمبرن جو استحقاق مجروح ٿيو آهي: سينيٽ چيئرمين

اسلام آباد (پاکستان نیوز پوائنٹ 4 نومبر2016ء) سينيٽ چيئرمين ميان رضا رباني چيو آهي ته سينيٽ ۾ نيشنل بئنڪ آف پاڪستان کان قرض معاف ڪرائڻ جي حوالي سان سوال جو غلط جواب ڏنو ويو آهي ان سان ايوان ۽ ان جي ميمبرن جو استحقاق مجروح ٿيو آهي، ذميوارن جي خلاف ڪارروائي جي حوالي سان 10 ڏينهن جي اندر ايوان کي آگاهه ڪيو وڃي. ڪالهه جمعي ڏينهن سينيٽ جي اجلاس دوران رولنگ ڏيندي هن چيو ته سينيٽر چوڌري تنوير خان قرض معاف ڪرائڻ جي حوالي سان هڪ سوال پڇيو هو جنهن جو ايوان ۾ غلط جواب ڏنو ويو. هن چيو ته صورتحال جو تفصيلي جائزو وٺڻ کانپوءِ اها ڳالهه سامهون آئي آهي ته ان حوالي سان جيڪو ايوان ۾ جواب ڏنو ويو اهو غلط هو ۽ ٽوڙي مروڙي جواب ڏنو ويو ۽ اها پارليامينٽ کان حقيقي ڄاڻ لڪائڻ جي هڪ ڪوشش هئي جيڪا ايوان ۽ ان جي ميمبرن جو استحقاق مجروح ڪرڻ جي برابر آهي. سينيٽ چيئرمين چيو ته ايوان کي ٻڌايو وڃي ته نيشنل بئنڪ آف پاڪستان جي جن اهلڪارن اهو جواب تيار ڪيو آهي انهن جي خلاف ڪهڙي ڪارروائي ڪئي آهي. ان سلسلي ۾ 10 ڏينهن اندر ايوان ۾ رپورٽ پيش ڪئي وڃي.