وسطی پنجاب اچ کوہیڑ ،حد نگاہ صفر تھی گی ،پنڈی بھٹیاں توں لاہور تئیں موٹر وے عارضی طور تے بند

وسطی پنجاب اچ کوہیڑ ،حد نگاہ صفر تھی گی ،پنڈی بھٹیاں توں لاہور تئیں موٹر وے عارضی طور تے بند

اسلام آباد (پاکستان نیوز پوائنٹ 4 نومبر2016ء) وسطی پنجاب اچ کوہیڑ اتے حد نگاہ صفر ہوونڑ تے پنڈی بھٹیاں توں فیصل آباد تے پنڈی بھٹیاں توں لاہور تئیں موٹر وے کوں عارضی طورتے بند کر ڈتا گیا ۔نجی ٹی وی چینل موٹر وے ترجمان دے حوالے نال ڈسایا گیا جو جمعے دی سویل کوہیڑ نال حد نگاہ صفر تھی گی پنڈی بھٹیاں توں فیصل آباد تے پنڈی بھٹیاں توں لاہورتئیں موٹر وے کوں عارضی طورتے ہر قسم دی ٹریفک سانگے بند کر ڈتا ہے ۔

ترجمان موٹروے اتے جی ٹی روڈتے سفر کرنڑ آلیں کوں ہدایت کریندے ہوئیں آکھیا ہے جو او گھٹ رفتار تے فوگ لائٹس استعمال کرن ۔ڈاکٹراں دا آکھنڑ ہے جو علاقہ مکین بلا ضرورت گھراں توں باہر نہ نکلن، اودھ ضرورت ویلھے گھراں توں باہر ویندے ہوئیں ماسک دا استعمال کرن۔ ماہرین داآکھنڑ ہے جو سموگ اتے کوہیڑ الرجی نال ،گلے ،اکھیں تے ساہ دیاں بیماریاں تھی سگدیاں ہن