قومی اسمبلی دی پبلک اکائونٹس کمیٹی دی ذیلی کمیٹی دا اجلاس،وزارت سائنس تے ٹیکنالوجی دے 2013-14ء دے آڈٹ اعتراضات دا جائزہ گھدا گئیا

اسلام آباد (پاکستان نیوز پوائنٹ 3 نومبر2016ء) قومی اسمبلی دی پبلک اکائونٹس کمیٹی دی ذیلی کمیٹی دا اجلاس خمیس کوں کنوینر شاہدہ اختر علی دی زیر صدارت تھیا۔اجلاس اچ کمیٹی دے رکن سردار عاشق حسین گوپانگ اتے متعلقہ سرکاری اداریاں دے اعلیٰ افسر شریک تھیے۔اجلاس اچ وزارت سائنس تے ٹیکنالوجی دے 2013-14ء دے آڈٹ اعتراضات دا جائزہ گھدا گئیا اتے آڈٹ حکام اے پی سی کوں ڈسایا جو وزارت مذکورہ عرصہ وچال 17بندیاں کوں بھرتی کیتا جئیں اچ3گریڈ17دے افسراں اتے 11تلویں گریڈ اچ بھرتی کیتے گئے ۔حالانکہ اوں ویلھے بھرتیاں تے پابندی ہئی اتے ایں بارے اخبار اچ کوئی اشتہار وی شائع کائنی کیتا گئیا۔کمیٹی ہدایت کیتی جو ایں معاملہ کوں رل بہہ کراہیں حل کیتا ونجے۔