اسلام آباد (پاکستان نیوز پوائنٹ 3 نومبر2016ء) ڈپٹی چیئرمین سینٹ مولانا عبدالغفور حیدری دی قیادت اچ 8سیاسی جماعتاں تے رکن پارلیمنٹ تے مشتمل 24رکنی وفدچین دی کمیونسٹ پارٹی دی دعوت تے چین دا 10ڈینھ دا دورپورا کرنڑ دے بعد واپس پاکستان پج گیا ،چین دے دورے دے دوران وفد کوں چین دے مختلف صوبیں تے شہراں دا دورہ کرایا گیا اتے پاک چین اقتصادی راہداری دے منصوبے دے حوالے نال تفصیلی بریفنگ ڈتی گی ۔
پاکستان وفد بلوچستان تے کے پی کے سمیت سارے وڈے شہراں اچ سی پیک دے روٹ تے اقتصادی زون بنڑاونڑ تے زور ڈتا ۔ائیر پورٹ تے صحافیاںنال گالھ مہاڑ کریندے ہوئیں ڈپٹی چیئرمین سینٹ مولانا عبدالغفور حیدری ڈسایا جو وفد اچ جمعیت علماءاسلام (ف) ‘جماعت اسلامی دے علاوہ ٰ6سیاسی جماعتاں دے نمائندیں تے پارلیمنٹ دے رکن موجود ہن ۔ چین اچ پاکستانی وفد دا والہانہ استقبال کیتا گیا جیرھا جو چین پاکستان دابرادرانہ تعلقات دی عکاس ہے ‘چین دی حکومت‘ کمیونسٹ پارٹی اتے عوام توقع توں ودھ تے احترام ڈتا جیں تے چین دی حکومت تے عوام دے شکر گزار ہوں۔
انہاں آکھیا جو ایں دورے دے دوران جتھاں پاک چین اقتصادی راہداری منصوبے تے گالھ مہاڑ تھی اتھاں مقبوضہ کشمیر اچ بھارتی فورسز ولوں ماروائے عدالت قتل ،چھرے آلی گن دے ذریعے کشمیریاں کوں نابینا کرنڑ ،تریمتاں تے بالاںتے تشدد ،لائن آف کنٹرول دیاںخلاف ورزیاں بارے چین کوں تفصیل نال ڈسایا ۔
