پنڈی بھٹیا ں اچ موٹر وے تے ودھ ساری کوہیڑ پاروں15گاڈیاں ٹکراگیاں، 10بندے جاں بحق ،70 زخمی

اسلام آباد (پاکستان نیوز پوائنٹ 3 نومبر2016ء) پنڈی بھٹیا ں اچ موٹر وے تے ودھ ساری کوہیڑ پاروں 15گاڈیاں ٹکراونڑ نال 10بندے جاں بحق اتے70 زخمی تھی گے ہن۔ نجی ٹی وی چینل دے مطابق خمیس دی سویل پنڈی بھٹیاں اچ موٹروے تے سکھی دے نیڑے ودھ ساری کوہیڑ پاروں 15 مسافر گاڈیاں آپس اچ ٹکرا گیاں جیں پاروں 10بندے جاں بحق اتے 70زخمی تھی گے ،ریس کیو حکام دے مطابق جاں بحق لوکاں دیاں لاشاں اتے زخمیاں کوں سول ہسپتال پنڈی بھٹیاں منتقل کر ڈتا ہے ،واضح رہے جو سردیاں دی آمد دے نال ہی پنجاب دے مختلف شہراں اچ کوہیڑ پاروں حادثیں اچ وادھا تھی گیا ہے ،محکمہ موسمیات ایں کوہیڑ کوں سموگ یعنی ،مٹی نال رلی ہوئی کوہیڑ دا ناں ڈتا ہے ،محکمہ موسمیات دے مطابق سموگ دا اے سلسلہ آندے 5ڈینھ تئیں جاری رہسی ۔