پنجاب حکومت جون 2017 تئیں ای۔روزگار سکیم دے تحت صوبے دے ہزاراں نینگراں تے تریمتیں کوں تربیت ڈتی ویسی

پنجاب حکومت جون 2017 تئیں ای۔روزگار سکیم دے تحت صوبے دے ہزاراں نینگراں تے تریمتیں کوں تربیت ڈتی ویسی

اسلام آباد (پاکستان نیوز پوائنٹ 3 نومبر2016ء) پنجاب انفارمیشن ٹیکنالوجی بورڈ (پی آئی ٹی بی) دے چیئر مین ڈاکٹر عمر سیف آکھیا ہے جو صوبائی حکومت جون 2017 تئیں ای۔روزگار سکیم دے تحت پورے صوبے دے ہزاراں نینگراں کوں تربیت ڈیسی جیں نال انہاں دی آئی ٹی دیاں صلاحیتاں دے نشابر تھیونڑ اتے انہاں کوں سوکھے طریقے نال روزگار مل ویسی ۔تربیتی پروگرام پی آئی ٹی بی اتے فیس بک دے سانجھے اشتراک نال شروع کیتا گیا ہے ۔

انہاں آکھیا جو ای روزگار دے تحت تربیتی پروگرام دا آغاز تھی گیا ہے اتے زیر تربیت مرداں تے تریمتاں کوںصوبے دے 36ضلعیں اچ سٹیٹ آف کمپیوٹر لیبز دے ذریعے تربیت ڈتی ویسی ۔انہاں مزید آکھیا جو منصوبے نال صوبے دے نینگراں کوں انفارمیشن ٹیکنالوجی دے حوالے نال عالمی معیار دی تربیت ڈتی ویسی جیں نال نہ صرف انہاں دی فنی تے پیشہ وارانہ صلاحیت بلکہ روزگار اتے خود روزگاری دے حصول اچ وی مدد حاصل تھیسی ۔