ڈ سی او دا چینی انجینئرز دے کیمپ دا دورہ

رحیم یار خان(پاکستان نیوز پوائنٹ 3 نومبر2016ء) ڈسٹرکٹ پولیس افیسردا حساس ادا ریں دے اہلکاراں دے نال ملتان توں سکھر تئیں تعمیر کیت ونجنڑ آلی موٹر وے تے کم کرنڑ آلے چینی انجینئرز دے کیمپ دا دورہ سیکورٹی دے انتظامات دا جائزہ کیمپ دے انٹر گیٹ تے مورچے تعمیر کرنڑ دی ہدایت کیتی چینی انجینئر ز کوں تعمیر کیتیاں ونجنڑ آلیاں رہائش گاہواں اچ ترائے ڈینھ تئیں رہائش اختیار کرنڑ دی اجازت ڈے ڈتی ویسی ،ذرائع دے مطابق ڈسٹرکٹ پولیس افیسر ذیشان اصغر حساس اداریں دے اہلکاراں دے نال قومی شاہراہ تے سدھو والی چینی کیمپ دا دورہ کیتا انہاں چائنا دے انجینئرز دی سکیورٹی سانگے کیتے گے اقدامات دا جائزہ گھدا اتے ویں موقع تے انہاں کیمپ دے انٹری گیٹ تے مورچے تعمیر کرنڑ دی ہدایت کیتی ایندے علاوہ رات دے ویلھے اچ لائٹنگ دے نظام کوں مزید چنگاں کرنڑ دی ہدایت کیتی واضح رہے جو سدھو والی اچ ملتان توں سکھر تئیں تعمیر کیتی ونجنڑ آلی موٹر وے کم کرنڑ آلے چینی انجینئرز دیاں رہائش گاہواں تعمیر کیتیاں گیاں ہن جیں کوں آندے ترائے ڈینھ سانگے رہائش سانگے چینی انجینئر ز دے حوالے کر ڈتا ویسی ۔