اسلام آباد (پاکستان پوائنٹ نیوز27دسمبر 2018ء) ٹریڈ ڈویلپمنٹ اتھارٹی آف پاکستان (ٹی ڈی اے پی) شنگھائی اچ منعقد تھیونڑ آلی 6 ڈینھاں دی بین الاقوامی نمائش ”سیکنڈ چائنا انٹرنیشنل امپورٹ ایکسپو“ اچ شرکت سانگے 10 جنوری 2019ءتئیں درخواستاں منگ گھدیاں ہن۔ اتھارٹی ولوں جاری تفصیل مطابق عالمی نمائش اچ کنزیومر الیکٹرونکس اینڈ اپلائنسز، آٹو موبائل، ملبوسات، صارف مصنوعات، فوڈ اینڈ ایگریکلچر دی مصنوعات، طبی آلات سمیت خدمات دے شعبہ دی مصنوعات تیار تے برآمد کرنڑ آلے اادارے شریک تھی تے اپنڑیاں مصنوعات/خدمات دی نمائش اتے عالمی خریداراں نال کاروباری معاملات طے کر سگسن۔
عالمی تجارتی نمائش دا انعقاد 5 توں 10 نومبر 2019ءکوں تھیسی۔ ایں حوالے نال بئی تفصیل اتھارٹی دی ویب سائٹ توں وی گھدی ونج سگدی ہے۔
