وزیر مملکت برائے داخلہ شہریار خان آفریدی داپارلیمنٹ ہاوس اچ کیمرہ مین تے تشدد دا نوٹس، آئی جی اسلام آباد کوں تحقیقات دا حکم

اسلام آباد (پاکستان پوائنٹ نیوز17دسمبر 2018ء) وزیر مملکت برائے داخلہ شہریار خان آفریدی پارلیمنٹ ہاو¿س اچ کیمرہ مین تے تشدد دا نوٹس گھن گھدے اتے آئی جی اسلام آباد کوں تحقیقات دحکم ڈتے۔وزیر ممکت داخلہ واقعے بارے پارلیمنٹ ہاو¿س دے حکام توں وی رپورٹ منگی اے۔ہک بیان اچ انہاں آکھیے جو واقعہ اچ ملوث افراد کوں قانون دے مطابق سزا ڈیسوں،کہیں کوں وی اختیارات توں تجاوز دی اجازت نئین ڈتی ونج سگدی، ہر کہیں دی عزت دی حفاظت یقینی بنڑائی ویسی،اسپیکر اتے صحافتی تنظیماں نال رل تے نواں ایس او پی بنڑیسوں تاں جو اگو تے اینجھا کوئی واقعہ نہ تھیوے۔