اسلام آباد (پاکستان پوائنٹ نیوز13دسمبر 2018ء) ملک اچ گیس دی دی کل پیداوار، طلب اتے رسددا فرق مکاونڑ دے اقدمات سانگے وزیراعظم عمران خان دے زیر صدارت ہک ہنگامی اجلاس تھئے جیندے اچ متعلقہ وزارتاںوزیرِ خزانہ اسد عمر، وزیرِ پٹرولیم غلام سرور خان، وزیرِ توانائی عمر ایوب، وزیرِاعظم کے معاون خصوصی افتخار درانی، چیئرمین ٹاسک فورس برائے انرجی ندیم بابر، وفاقی سیکرٹریزاتے بئے سینئر حکام شرکت کیتی۔
وزیر پٹرولیم و قدرتی وسائل غلام سرور خان اجلاس کوں ڈسایا جو ملک اچ ایں ویلھے گیس کھپت ودھ گئی اے جڈاں جو پیداوار پہلے توں گھٹی اے۔ انہاں ڈسایا جو جنوبی گیس فیلڈز اچ گیس دی پیدوار پہلے توں 60ایم ایم سی ایف گھٹ گئی اے جڈاں جو شمالی گیس فیلڈز اچ پیدوار50ایم ایم سی ایف گھٹی اے،سردیاں دے موسم اچ سوئی سدرن اچ گھریلوصارفین دی گیس کھپت یومیہ 10کروڑمکعب فٹ ودھ گئی اے،سوئی سدرن کوںگیس دا یومیہ 23کروڑ مکعب فٹ دا شارٹ فال اے،گیس فیلڈ توں گیس سپلائی اچ کمی کنڈنسنڈ اسٹوریج مسائل پاروں تھئی اے۔
وزیراعظم عمران خان ملک اچ گیس دی پیداوار،لوڑھ اتے گیس ذکائر گولنڑ دے مسلیاں تے تشویش دا اظہار کریندے ہوئیں سوئی سدرن اتے نادرن ولوں نااہلی اتے کمپریسرز بارے معلومات لکاونڑ تے اظہار برہمی کیتے۔ انہاں ڈوہاں اداریاں دے ایم ڈیز دے خلاف ایں معاملے تے فوری انکوائری کرنڑ دی ہدایت کریندے حکم ڈتے جو ایندی انکوائری رپورٹ 72گھنٹے دے اندرو انہاں کوں ڈتی ونجے۔وزیراعظم آکھیے جو گیس دبحران کہیں صورت نہ پیدا تھیونڑ ڈتا ویسی اتے صارفین خاص کرگھریلو صارفین کوں سوکھ ڈیونڑ کیتے ہنگامی اقدامات کیتے ونجن۔ انہاں متعلقہ وزارتاں اتے حکام کوں ہدایت کیتی جو او ملک اچ گیس دی طلب و رسد اتے صارفین کوں گیس فراہمی کیتے منصوبہ بندی فوری طور تے مربوط بنڑاون۔
