سیزنل انفلوئنزا دی روک تھام سانگے عملی اقدامات دے احکامات جاری محکمہ صحت عوام اچ موسمی بخار بارے آگاہی ڈیونڑ دا آغاز کرے،کمشنر ملتان

ملتان(پاکستان پوائنٹ نیوز13دسمبر 2018ء) کمشنر ملتان ڈویژن عمران سکندر بلوچ سیزنل انفلوئنزا دی روک تھام سانگے عملی اقدامات دے احکامات جاری کریندیں ہوئیں آکھیا جو محکمہ صحت عوام اچ موسمی بخار بارے آگاہی ڈیونڑ دا آغاز کرے،زبانی گالھ مہاڑ دی بجائے موسمی بخار دے اثرات اتے بچاﺅ دے اقدامات دی رپورٹ پیش کیتی ونجے ۔عوامی جہیں،ہوٹلاں،بس اڈیاں،سرکاری دفتراں ات تعلیمی اداریاںسمیت دیہاتاں اچ آگاہی بارے پوسٹر لاتے ونجن ۔اے گالھیں انہاں سیزنل انفلوئنزا بارے اقدامات دے جائزہ اجلاس دی صدارت کریندیں ہوئیں آکھی۔