وزیر اعظم شاہد خاقان عباسی اتے اپوزیشن لیڈر سید خورشید احمدشاہ وچال نگران وزیراعظم سانگے مشاورت دا عمل جاری ہے، حاجی غلام احمد بلور

اسلام آباد (پاکستان پوائنٹ نیوز 22 مئی 2018ء) عوامی نیشنل پارٹی دے رہنما رکن قومی اسمبلی حاجی غلام احمد بلور آکھے جو وزیر اعظم شاہد خاقان عباسی اتے اپوزیشن لیڈر سید خورشید احمدشاہ وچال نگران وزیراعظم سانگے مشاورت دا عمل جاری ہے ۔نگران وزیراعظم غیر جانبدار ہونڑ چاہیدے۔ منگل کو ںپارلیمنٹ ہاﺅس دے باہر میڈیانال گالھ بات کریندے ہوئیں انہاں آکھیا جو نگران وزیر اعظم سانگے مختلف ناواں تے مشاورت دا عمل جاری ہے۔

نگران وزیر اعظم جیرھا وی ہوئے غیر جانبدار ہونڑ چاہیدے۔ انہاں آکھیا جو وزیراعظم اتے اپوزیشن لیڈر وچال نگران وزیر اعظم دے ناں تے اتفاق تھی ویسی ۔ توقع ہے جو ڈوہائیں رہنما ایں معاملے تے کہیںنتیجہ تے پج ویسن اتے پارلیمان دا اختیار کہیں بئے بندے کوں کائناں ڈیسن ۔ انہاں آکھیا جو اگر ڈوہائیں رہنما ایں حوالے نال ناکام تھئے تاں ایہ سیاستداناں سانگے وڈی ہار ہوسی ۔