کراچی اچ پانڑیں دی فراہمی نہ ہونڑ پاروں شہریاں کوں شدید مشکلات دا سامنڑاں ہے‘ شیخ صلاح الدین

اسلام آباد (پاکستان پوائنٹ نیوز 22 مئی 2018ء) ایم کیو ایم دے رکن قومی اسمبلی شیخ صلاح الدین آکھے جو کراچی اچ پانڑیں نہ ہونڑ پاروں شہریاں کوںمشکلات دا سامنڑاںہے‘ پانڑین تے بجلی دی ضرورتاں پوریاں کرنڑ سانگے ضروری اقدامات کیتے ونجنڑ۔ منگل کوں قومی اسمبلی اچ نکتہ اعتراض تے شیخ صلاح الدین آکھیا جو کراچی اچ شدید گرمی ہے ،ایجھی صورتحال اچ پانڑیں دی فراہمی نہ ہونڑ نال شہریاں کوں ودھ سارے مسئلیاں دا سامنڑاں ہے۔ بجلی نہ ہونڑ نال وی پانڑیں دی فراہمی دا مسئلہ ودھ گئے۔ کراچی دیاں پانڑین تے بجلی دیاں ضرورتاں پوری تھیونڑ چاہیدیاں ہن۔ کے فور منصوبے اپریل اچ مکمل تھیونڑاں ہا پر رقم ڈتی ونجنڑ دے باوجودا یہ دیردا شکار ہے۔ سپیکر ایں معاملے تے رولنگ ڈیونڑ۔