اسلام آباد (پاکستان پوائنٹ نیوز 22 مئی 2018ء) پاکستان تحریک انصاف دی رکن قومی اسمبلی ڈاکٹر شیریں مزاری آکھے جو ویانہ کنونشن اچ قتل دے ملزم سفارتکار کوں کہیں قسم دا کوئی استثنیٰ حاصل کائنی ہے۔کرنل جوزف کوں ملک توں ونجنڑ دی اجازت دا معاملہ سفارتی استثنیٰ قرارڈے تے نبیڑن چنگا کم کائنی ہے ۔ منگل کوں قومی اسمبلی اچ نکتہ اعتراض تے پی ٹی آئی دی رکن ڈاکٹر شیریں مزاری آکھیا جو اگر پی ٹی آئی دے کہیں رکن غلط الزام لاتے تاں بے شک ایندے خلاف کارروائی کیتی ونجے، اساں قنون دی حکمرانی تے یقین رکھیندوں۔
امریکی کرنل جوزف دا ناں پہلے حکومت ای سی ایل اچ پاتا، جینکوں خصوصی جہاز تے امریکہ روانہ کرڈتا گیا۔ دفتر خارجہ ایں معاملے کو ںصرف سفارتی استثنیٰ دا معاملہ آکھ تے نبیڑ چھوڑے۔ امریکہ دے خود ایجھے ہک واقعہ اچ جارجیا دے سفارتکار کوں ست سال سزا ڈتی گی ہے۔ ایں معاملے دی وضاحت کیتی ونجے۔ انہاں آکھیا جو قاتل کوں کھلی چھٹی ڈیونڑ دی گالھ ویانا کنونشن اچ کائنی لکھی ہوئی نہ ایں حوالے نال کوئی استثنیٰ ڈتا گئے ۔
