اسلام آباد (پاکستان نیوز پوائنٹ 26ستمبر 2016ء) چیئرمین سینیٹ دیوانی عدالتاں (ترمیمی) بل 2016ء متعلقہ کمیٹی کوں پٹھ ڈتا۔ سنوار کوں ایوان بالا دے اجلاس اچ سینیٹر اعظم سواتی تحریک پیش کیتی جو دیوانی عدالتاں آرڈیننس 1962ء اسلام آباد کیپیٹل ٹیریٹری اچ ایندے اطلاق بارے بئی ترمیم دا بل دیوانی عدالتاں (ترمیمی) بل 2016ء پیش کرنڑ دی اجازت ڈتی ونجے ۔ انہاں آکھیا جو عدالتاں اچ بیاں تریمتیں کوں ججاں دے طور تے تعینات کرنڑ دی لوڑ ہے ۔
وزیر قنون آکھیا جو ایں بل کوں کمیٹی کوں پٹھ ڈتا ونجے ۔ اتھاں ایندے اُتے بحث کریسوں۔ تریمتیں ججاں دی تعداد جتنی ودھاونڑ دی بل اچ سفارش کیتی گئی ہے او بہوں ودھ ہے ۔ چیئرمین آکھے جو بار کونسلز وی تریمتیں ججاں دی تعداد ایں حد تئیں ودھاونڑ دی مخالفت کیتی ہے ۔ اتنی وڈی تعداد اچ تریمتیں موجود ہئی کائنی۔ چیئرمین بل تے ایوان دی رائے گھنڑ دے بعدبل متعلقہ کمیٹی کوں پٹھ ڈتا۔
