اسلام آباد (پاکستان پوائنٹ نیوز 21 مئی 2018ء) قومی احتساب بیورو(نیب) دے چئیرمین جسٹس جاوید اقبال سپریم کورٹ دے حکم تے بحریہ ٹاﺅن کراچی، لاہوراتے راولپنڈی دے خلاف باقاعدہ تفتیش شروع کرڈتی اے،وفاقی وزیر برائے ہاﺅسنگ اینڈ ورکس اکرم درانی ولوں غیر قانونی تقرریاں جڈاں جو آمدن توں ودھ اثاثیاں پاروں مہرین بھٹو،آصف بھٹو ،کاشف بھٹو اتے عارف بھٹو دے خلاف شکایت دی پڑتال دا حکم ڈتے۔
چئیرمین نیب متعلقہ ڈائریکٹر جنرلز کوں ہدایت کیتی اے جو سپریم کورٹ آف پاکستان دے فیصلہ دے تحت بحریہ ٹاﺅن دے خلاف انویسٹی گیشن ترائے مہینے اچ قانون دے مطابق توڑ پچائی ونجے۔چیئرمین نیب وفاقی وزیر برائے ہاﺅسنگ اینڈ ورکس اکرم درانی دے خلاف قواعد وضوابط کوں ہک پاسے سٹ تے مبینہ غیرقانونی خالی آسامیاں تے اپنڑے لوکاں کوں لاونڑ دی شکایت تے ڈائریکٹرجنرل نیب راولپنڈی کوں مکمل جانچ پڑتال دا حخم ڈتے۔ایویں ہی آمدن توں ودھ اثاثے بنڑاونڑ تے مہرین بھٹو،آصف بھٹو کاشف بھٹو اتے عارف بھٹو دے خلاف ڈائریکٹرجنرل نیب سکھر کوں جانچ پڑتال دا حکم ڈتا گئے۔
