اسلام آباد (پاکستان پوائنٹ نیوز 18 مئی 2018ء) قومی احتساب بیورو (نیب) دے چیئرمین جسٹس(ر) جاوید اقبال آکھیے جو ملک توں بدعنوانی مکاونڑ مقصد اے، بدعنوان عناصر دے خلاف زیرو ٹالرنس اتے ”احتساب سب کیلئے“دی پالیسی تے چلدے پئے ہیں۔او نیب لاہوراچ ماڈل ہاﺅسنگ انکلیو دے متاثرین کوں چیک ونڈنڑدی تقریب نال خطاب کریندے پئے ہن۔ چیئرمین نیب جسٹس(ر) جاوید اقبال آکھیے جو اساں ڈبل شاہ کون سنگل شاہ بنڑا ڈتے، 9 ارب روپے دے فراڈاچ 4 ارب روپے متاثرین کوں ولا ڈوائن، ڈبل شاہ کیس دے ڈوجھے ملزم تصور گیلانی دے ذمہ 1.9 ارب روپے اچوں 1.2 ارب روپے ولا متاثرین کوں ڈوائن،نیب لاہور ہاﺅسنگ سیکٹر دے تقریباً 3 لکھ متاثرین اچ 18 ارب روپے توں ودھ ولا ڈیواچکیے جیہڑا ہک ریکارڈ کامیابی اے۔
انہاں آکھیے جو نیب انتقامی کارروائی نئیں،ہر کہیں دے خلاف بغیر کہیں وانجھ تے کارروائی تے یقین رکھدے،نیب دے ایگزیکٹو بورڈ دی منظوری توںطریقہ کار دے مطابق انکوائری، جانچ پڑتال اتے تحقیقات کیتاں ویندن،ایں سانگے شفافیت، میرٹ، شواہد اتے قانون کوں سامنڑے رکھیا ویندے۔ایں موقع تے چیئرمین نیب ڈی جی نیب لاہوردی زیر نگرانی نیب لاہوردکی کارکردگی دی وی تعریف کیتی۔
