اسلام آباد (پاکستان پوائنٹ نیوز 16 مئی 2018ء) قومی اسمبلی اچ بدھ کوں بجٹ دی منظوری دے عمل دوران وقفے وقفے نال بجلی دا بریک ڈاﺅن جاری رہیا اتے ایوان کئی واری اندھارا تھی گیا ۔ سپیکر دے پچھنڑ تے وزیر توانائی سردار اویس احمد خان لغاری ایوان کوں ڈسایا جو گدو مظفر گڑھ ٹرانسمیشن لائن اچ ٹرپنگ دی وجہ نال ملک دے شمالی حصے اچ بجلی دا بریک ڈاﺅن تھئے۔
جنوبی پنجاب داعلاقہ ایںبریک ڈاﺅن دی زد اچ نی آیا تاں جوکے پی کے سمیت شمالی حصہ ایں نال متاثر تھئے۔ انہاں آکھیا جو اساں تحقیقات دا حکم ڈتے جیندی رپورٹ پیش کرڈتی ویسی۔ ایوان اچ بریک ڈاﺅن دی وجہ نال مکمل اندھارا تھیونڑنال کجھ ارکاناں اپنڑے موبائل فوناں دی لائٹ نال روشنی کیتی۔ایں دوران اپوزیشن ارکاناں ولوں کجھ ریمارکس وی ڈتے گئے جو ” تبدیلی آگئی ہے“ جڈانجو حکومتی ارکاناں ولں ایندے جواب اچ آکھیا گیا جو ا یہ تکنیکی معاملہ ہے اینکوں ایں انداز اچ نہ گھدا ونجے ۔
