بلند فشار خون دا عالمی ڈینھ (اج ) منایاویسی

اسلام آباد (پاکستان پوائنٹ نیوز 16 مئی 2018ء) ساری دنیا دے بئے ملکاں وانگوں پاکستان اچ وی اج (خمیس کوں ) بلند فشار خون دا عالمی ڈینھ منایا ویسی ۔مذکورہ ڈینھ دے حوالے نال عالمی ادارہ صحت ، انٹرنیشنل ہائپر ٹینشن ایسوسی ایشن، حکومت پاکستان، پاکستان میڈیکل ایسوسی ایشن ، اسلامک میڈیکل ایسوسی ایشن اتے بئے سرکاری اداریں تے نیم سرکاری تنظیماں تے فارما سیوٹیکل انڈسٹری دی سانجھ نال سارے صوبائی دارالحکومتاں اچ خصوصی واکس ، سیمینارز ، کانفرنساں تے بیاں تقریباں کرائیاں ویسن جیں نال ماہرین طب خطاب کریسن ۔اے ڈینھ مناونڑ دا مقصد ہائی بلڈ پریشر دی وجوہات ، علامات ، بروقت تشخیص ، علاج اتے حفاظتی و تدارکی اقدامات بارے ڈساونڑاں اے ۔