پاکستان آئر لینڈ کوں تاریخی ٹیسٹ میچ 5وکٹاں توں ہرا ڈتے آئر لینڈ ولوں160رنز دا ہدف پنج وکٹاں تے پورا کر گھدے،

امام الحق اتے بابر اعظم دیاں شاندار ففٹیاں،محمد عباس ٹیسٹ اچ 9وکٹاں گھدن، محمد عامر ٹیسٹ کرکٹ اچ کیریئر دیاں سو وکٹاں پوریاں کیتن،آئرش کھیڈاڑی کیون اوبرائن کوں ڈیبیو سنچری تے مین آ ف دی میچ قرار ڈتا گئے

پاکستان آئر لینڈ کوں تاریخی ٹیسٹ میچ 5وکٹاں توں ہرا ڈتے آئر لینڈ ولوں160رنز دا ہدف پنج وکٹاں تے پورا کر گھدے،
امام الحق اتے بابر اعظم دیاں شاندار ففٹیاں،محمد عباس ٹیسٹ اچ 9وکٹاں گھدن، محمد عامر ٹیسٹ کرکٹ اچ کیریئر دیاں سو وکٹاں پوریاں کیتن،آئرش کھیڈاڑی کیون اوبرائن کوں ڈیبیو سنچری تے مین آ ف دی میچ قرار ڈتا گئے

ڈبلنپاکستان آئر لینڈ کوں تاریخی ٹیسٹ میچ 5وکٹاں توں ہرا ڈتے،پاکستان دی ٹیم آئر لینڈ ولوں160رنز دا ہدف پنج وکٹاں تے پورا کر گھدے،امام الحق اتے بابر اعظم دیاں شاندار ففٹیاں،محمد عباس ٹیسٹ اچ 9وکٹاں گھدن، محمد عامر ٹیسٹ کرکٹ اچ کیریئر دیاں سو وکٹاں پوریاں کیتن۔اولین ٹیسٹ اچ آئرش کھیڈاڑی کیون اوبرائن کوں ڈیبیو سنچری تے مین آ ف دی میچ قرار ڈتا گئے۔

پاکستان ڈبلن دے میلا ہائیڈ کرکٹ گراونڈ تے کھیڈیے ونجنڑ آلے تاریخی ٹیسٹ میچ اچ آئر لینڈ کوںپنج وکٹاں توں ہرا تے ہک یادگار جیت گھدی اے۔میچ دے پنجویں ڈینہہ اپنڑی ڈوجھی اننگ اچ آئرلینڈ 7 وکٹاں دے نقصان تے 319 رنزتوں کھیڈ شروع کیتا تاں چھیکڑی تریے کھیڈاڑی سکور اچ صرف 20 رنزدا ودھارا کر سگن۔پوری آئرش ٹیم 339 رنزبنڑا تے ٹر گئی اتے پاکستان کوں جیت کیتے 160 رنز دا ہد ف ڈتا۔

کیون اوبرائن آئر لینڈ ولوں 118رنز بنڑائن۔جواب اچ پاکستان دی شروعات چنگی نہ رہی اتے ترائے وکٹاں صرف 14 رنز تے ڈھے گین۔اوپنر اظہر علی 2، حارث سہیل 7 اتے اسد شفیق صرف ہک رن بنڑا تے جُلدے تھین۔چوتھی وکٹ تے بابر اعظم اتے امام الحق جم گین نصف سنچریاں سکور کرتے 126رنز دی ساجھے داری کیتی اتے پاکستان دی جیت دا منڈھ بدھیے۔ایں موقع تے بابر اعظم 59 رنزبنڑا تے آوٹ تھین۔کپتان سرفراز احمد وی صرف اٹھ رنز بنڑا سگین۔بعد اچ شاداب خان جیت تئیں امام الحق دے نال رہین اتے چار سکور کیتے۔امام الحق 74رنز بنڑا تے ناٹ آوٹ رہین۔پاکستان ولوں محمد عباس 66 رنزڈے تے 5، محمد عامر 63 رنزڈے تے 3 اتے شاداب خان ہک وکٹ گھدی۔آئرلینڈ دی ٹیم ٹیسٹ دا درجہ ملنڑ توں بعد اپنڑا پہلا ٹیسٹ کھیڈدی پئی ہئی۔