غزہ دے حالات عالمی امن کیتے خطرہ ہین، امریکا اتے اسرائیل فوجی درندگی ڈکھیندے پین، سابق وزیر خارجہ خواجہ محمد آصف

اسلام آباد(پاکستان پوائنٹ نیوز 15 مئی 2018ء) سابق وزیر خارجہ خواجہ محمد آصف آکھیے جو غزہ دے حالات عالمی امن کیتے خطرہ ہین، امریکا اتے اسرائیل فوجی درندگی ڈکھیندے پین۔اسلام آباد اچ پارلیمنٹ ہاﺅس دے باہر ومیڈیا نال گالھ مہاڑ اچ خواجہ آصف آکھیے جو امریکی سفارتخانے دے افتتاح ویلھے 55 فلسطینیاں کوں شہید کیتا گئے جیہڑا فسوسناک اے، اسرائیل قتل عام کرتے بین الاقوامی قوانین اتے بنیادی انسانی حقوق دی سنگین خلاف ورزی کیتی اے، کشمیر اتے فلسطین دے مسلے حل تھیونڑے چاہیدن،پاکستان فلسطینیاں اتے کشمیریاں دی ہر سطھ تے حمایت جاری رکھیسی۔