سندھ دے مختلف شہراں وچ4.9 شدت دازلزلہ ،ہک بندہ جاں بحق ،ترائے تریمتاں زخمی

اسلام آباد (پاکستان نیوز پوائنٹ 23ستمبر 2016ء) حیدرآباد سمیت سندھ دے مختلف شہراں وچ4.9 شدت دے زلزلے دے نتیجے وچ ہک بندہ جاں بحق اتے ترائے تریمتاں زخمی تھی گئیاں۔نجی ٹیلی ویژن دے مطابق گزریل شام حیدرآباد سمیت سندھ دے مختلف شہراںنواب شاہ، لطیف آباد، مٹیاری،ہالہ،سعید آباد وچ زلزلے دی وجہ نال خوف ہراس کھنڈ گیا لوک کلمہ طیبہ دا ورد کریندے ہوئیں گھراں توں باہر نکل آئے۔ ریکٹر اسکیل تے زلزلے دی شدت 4اعشاریہ 9ریکارڈ کیتی گئی۔ چھاچھرو وچ مکان دی چھت ڈھونڑ نال ہک بندہ جاں بحق اتے ترائے تریمتاں زخمی تھی گئیاں۔زلزلہ پیما مرکز دے مطابق زلزلے دا مرکز نواب شاہ توں 60 کلو میٹر دور شمال مشرق وچ زمین اچ 20کلو میٹر جھیکا ہا۔