محرم الحرام دے دوران امن امان کوں برقرار اتے قنون دی بالا دستی کوں قائم رکھیا ویسی، ڈ پی او

محرم الحرام دے دوران امن امان کوں برقرار اتے قنون دی بالا دستی کوں قائم رکھیا ویسی، ڈ پی او

رحیم یار خان(پاکستان نیوز پوائنٹ 23ستمبر 2016ء) ڈی پی او رحیم یار خان ذیشان اصغر آکھیا ہے جو محرم الحرام دے دوران امن امان کوں برقرار اتے قنون دی بالا دستی کوں قائم رکھیا ویسی ۔ جیندے سانگے سارے پیشگی اقدامات عمل وچ لاتے ویندے پئے ہن ۔ انہاں آکھیا جو ضلعی امن کمیٹی دے ممبراں دی مدد حاصل تے درکار ہے ۔ انہاں خیالیں دا اظہار انہاں ضلعی امن کمیٹی دی منعقدہ اجلاس نال خطاب کریندے ہوئیں کیتا۔

انہاں آکھیا جو امن ہر گھڑی اتے ہر ڈینھ دی ضرورت ہے جیندے سانگے روزانہ دی بنیاد تے پولیس اپنڑاں فرض ادا کریندی راہندی ہے پر جڈاںخاص ڈینھ ہونڑ تاں ایکوں برقرار رکھنڑ اتے قنون دی بالا دستی کوں قائم کرنڑ کہیں چیلنج توں گھٹ کائنی ہوندا ایں سانگے محرم الحرام دے موقع تے پولیس عام ڈینھاں توں ودھ الرٹ اتے چاق و چوبند ہے اتے پورے ضلع وچ امن و مان دے قیام کو ںبرقرار رکھنڑ اتے قنون دی بالادستی کوں یقینی بناونڑ سانگے ہر ممکن پیشگی اقدامات عمل وچ لاتے ویندے پن ۔