اسلام آباد (پاکستان نیوزپوائنٹ 25اپریل 2018ء) معروف اداکارہ مدیحہ گوہر بدھ کوں فوت تھی گئی۔ مدیحہ گوہرداجمنڑاں 1956ءاچ کراچی اچ تھیا۔ انہاں علم فنون اتے انگریزی اچ اعلیٰ تعلیم حاصل کیتی اتے ول لندن یونیورسٹی توں تھیٹر سائنس اچ ماسٹردی ڈگری وی گھدی۔ 1983ءاچ پاکستان واپس آونڑ دے بعد انہاں اپنڑے گھر آلے ڈراما نویس اتے ڈائریکٹر شاہد محمود ندیم دے نال لاہور اچ ”اجوکا“ تھیٹر دی بنیاد رکھی جیندے اچ انہاں خود وی اداکاری کیتی اتے ڈھگ سارے سٹیج ڈرامیاں دے سکرپٹ وی لکھے۔
تریمتیں دے حقوق دے تحفظ سانگے بنڑائی گئی تنظیم ”اجوکا“ ایشیا اتے یورپ اچ فعال ہے۔ مدیحہ گوہر دے سٹیج ڈرامے سماجی اتے معاشرتی حالات تے واقعات تے مبنی ہوندے ہن ۔ انہاں پاکستان سمیت بھارت، بنگلا دیش، نیپال، سری لنکا اتے برطانیہ اچ وی کئی تھیٹراں اچ اپنڑی اداکاری ڈکھائی۔ فنکار ہونڑ دے علاوہ مدیحہ گوہر بطور سماجی کارکن وی کم کریندی ہن ۔ خصوصاًتریمتیںدے حقوق سانگے انہاں دی آواز ہمیشہ اچی نظردی ہائی۔ 2006ءاچ انہاں کوں نیدرلینڈ اچ ”پرنس کلوڈ ایوارڈ“ ڈتا گیا اتے 2007ءاچ انہاں ”انٹرنیشنل تھیٹر پاستا ایوارڈ“ اپنڑے ناں کیتا۔ مدیحہ گوہر 25 اپریل 2018ءکوں 62 سال دی عمر اچ فوت تھی گئیاں ہن۔ مرحومہ گزریل3 سال توں معدے دے کینسر دی مریض ہن ۔
