ایچ ای سی آندے سال ڈاہ ہزار سکالرز کوں پی ایچ ڈی سانگے امریکہ بھجویسی

ایچ ای سی آندے سال ڈاہ ہزار سکالرز کوں پی ایچ ڈی سانگے امریکہ بھجویسی

اسلام آباد (پاکستان نیوز پوائنٹ 20ستمبر 2016ء) ہائیر ایجوکیشن کمیشن (ایچ ای سی)آندے سال ڈاہ ہزار سکالرز کوں پی ایچ ڈی سانگے امریکہ بھجویسی،پی ایچ ڈی زراعت،غذائی تحفظ،میڈیکل اینڈ الائیڈ ہیلتھ،انجینئرنگ،پانڑی،ماحولیاتی تبدیلیاں،جدید ٹیکنالوجی اتے بئے شعبیاں اچ کرائی ویسی،پاکستانی یونیورسٹیاں کوں 30ہزار تربیت یافتہ پی ایچ ڈی استادیں دی گھٹکی دا سامنڑاں اے۔

ایچ ای سی دے چیئرمین ڈاکٹر مختار احمد ''اے پی پی''کوں ڈسایا جو ایں بارے ایچ ای سی اتے امریکہ دے اعلیٰ تعلیمی شعبہ وچال ساری تفصیلات طے تھی چکین ۔امریکہ اتے پاکستان دے تعلیم ،سائنس تے ٹیکنالوجی دے شعبہ اچ بنڑنڑ آلے ورکنگ گروپ دے سٹریٹجک ڈائیلاگ دے نتیجے اچ جون 2015ء اچ اے تسلیم کیتا گئیا جو پاکستان کوں پائیدار ترقی سانگے اعلیٰ تعلیم دے شعبہ اچ معاونت اتے امداد دی لوڑھ اے اتے امریکہ ایں بارے بھرپور تعاون جاری رکھیسی۔