ملتان(پاکستان نیوز پوائنٹ 20ستمبر 2016ء) ممبر قومی اسمبلی ملک محمد عامر ڈوگر آکھیا جو بھارت ولوں جنگ دی بزدلانہ دھمکیاں پاکستان دا کجھ نی وگاڑ سگدی،آپنڑے ہک بیان اچ انہاں آکھیا جو بھارت مقبوضہ کشمیر اچ ظلم و بربریت دا جیڑھا بازار گرم رکھیے او انسانی تریخ دا سیاہ باب اے،اجوکے ڈینھاں اچ 100توں ودھ کشمیریاں کوں تشدد اتے غیر انسانی اقدامات نال شہید کیتا گئے اتے 10ہزار توں ودھ بال،تریمتیں،نینگر اتے بڈھے ڈاڈھے زخمی ہن ،بھارت مقبوضہ کشمیر اچ ممنوعہ اسلحہ دا استعمال جاری رکھیا ہوئیا اے۔
افواج پاکستان اتے پوری قوم ملکی دفاع سانگے غافل کائنی بھارت اگر جنگ شروع کیتی تاں اونکوں منہ تروڑ جواب ڈتا ویسی اتے وطن عزیز دے ہک ہک چپے دے تحفظ سانگے قوم دا ہر بندہ آپنڑی جان نچھاور کرڈیسی۔
