پاکستان ساری دنیا اچ پناہ گزیناں دی میزبانی دے حوالے نال ساریں توں وڈا ملک اے ،یواین ایچ سی آر

اسلام آباد (پاکستان نیوزپوائنٹ 16اپریل 2018ء) پناہ گزیناں سانگے اقوام متحدہ دے ہائی کمشنردے ادارہ (یواین ایچ سی آر) پاکستان کوں ساری دنیا اچ پناہ گزیناں دی میزبانی دے حوالے نال ساریں توں وڈا ملک قرار ڈتے ۔یو این ایچ سی آر دی رپورٹ دے مطابق پاکستان ساری دنیا اچ پناہ گزیناں دی میزبانی دے حوالے نال ساریں توں وڈا ملک اے تے ودھ سارے پناہ گزیناں دا تعلق افغانستان توں ہے ۔رپورٹ دے مطابق پاکستان ایں وقت 14لکھ 50ہزار توں ودھ افغان پناہ گزیناں دی میزبانی کریندا پے ۔رپورٹ اچ آکھیا گے جو پاکستان بلا مشروط لکھاں پناہ گزیناں کوں ایں وقت امداد ڈتی تے ہنڑ وی کریندا پے جڈاں افغانستان اچ جنگ عروج تے ہئی ۔پاکستان پناہ گزیناں کوں بہوں چنگیاں ممکن سہولتاں ڈتیاں ۔