افتخار محمد چودھری دے زیر استعمال بلٹ پروف گاڈی اتے سیکورٹی ولا گھنڑ دا فیصلہ معطل ، فریقین توں جواب طلب

اسلام آباد (پاکستان نیوزپوائنٹ 22مارچ2018ء) اسلام آباد ہائی کورٹ دے چیف جسٹس محمد انور خان کاسی اتے جسٹس عامر فاروق تے مشتمل ڈو رکنی بینچ سابق چیف جسٹس افتخار چوہدری ولوں انٹرا کورٹ اپیل تے سماعت کیتی ۔ڈویژن بنچ سنگل رکنی بینچ دے فیصلے کوں معطل کرڈتے۔ سنگل بنچ گاڈی اتے سیکورٹی ولا گھنڑ دا حکم ڈتا ہا۔سماعت اچ درخواست گزار دے وکیل آکھیا جو سابق چیف جسٹس افتخار محمد چوہدری کوں سیکورٹی خدشات ہین۔ سابق چیف جسٹس افتخار محمد چودھری کولوں ایں ویلھے 9 کانسٹیبل، 2 سب انسپکٹرز، 1 ہیڈ کانسٹیبل اتے ڈو ڈرائیورزہین۔عدالت فریقین کوں نوٹس کریندے ہوئیں سماعت ڈو ہفتیاں کیتے ملتوی کر ڈتی۔